Our Story
數數手指, 我地都識左十三年
好典型嘅校園電影設定 - Alex 係中學紅社運動隊長, 而 Nat 係紅社啦啦隊。話說有一日, Alex以磁性嘅聲線打比 Natalie 邀請佢去游swimming gala, 然後... 佢地不知不覺就一齊左十三年。
我係Natalie, 有啲fun facts 同你分享~
- 我可以十年唔買新衫
- 我鍾意做樹窿, 聽人講多過自己講
- 下盤穩健, 溜冰實掂
- 考8級琴考左個100分 (僅僅合格)
- 無昆蟲可以逃得過我嘅手指罅
我係Alex, 你識我咁耐無理由唔知嘅野:
- 出街三寶 - 靚衫, 髮泥同香水
- 靠把口搵食, 所以都幾talk得
- 溜冰拗過一次柴, 但無阻我對hockey 嘅愛
- 懷疑自己係perfect pitch, 但唱歌有啲五音不全
- 到底係邊個咁偉大發明殺蟲水!!
THE
Schedule
SEPTEMBER 18, 2024
Arrival
CHECK IN @ 3:00 PM
歡迎黎到峇里! 唔使擔心黎到峇里人生路不熟~ 因為我地已經準備好專車接載你地去AYANA Resort喇 (如果你當晚唔係住AYANA 嘅話同我地講, 我地可以另作安排) ❤️ 好好咁休息下, 享受下峇里啦! 我地都為你準備好酒店附近嘅好去處: 點我.
但玩還玩, 記住第二朝唔好唔知醒啊!! 😉
SEPTEMBER 19, 2024
Ceremony
3:30 PM
今日就係我地嘅 大日子喇! 我地會係SKY Amphitheatre 行禮, 你可以乘搭酒店安排嘅高爾夫球車前往。歡迎你地早啲到, 可以飲杯野, 影下相, 最重要係欣賞下一望無際嘅大海景, 俯瞰金巴蘭海岸~ 🌊
SEPTEMBER 19, 2024
Cocktail
5:30 PM
證婚儀式之後我地安排左 cocktail hour , 歡迎大家喺埸地附近影下相, 或者睇住日落食啲小食, 傾下計🎵
SEPTEMBER 19, 2024
Dinner
7:00 PM
Cocktail hour 之後, 大家就開始埋位食晚飯喇! 想食完飯活動下嘅你, 可以join 我地嘅跳舞環節, 盡情施展你嘅舞技!! 🕺
SEPTEMBER 19, 2024
Afterparty
10:00 PM till late
食完晚飯都夜喇, 如果你覺得攰就可以隨時回酒店休息~ 而仲未眼訓/ 未玩夠嘅你, 歡迎參加我地嘅 After Party! 我地會準備好酒水/ board games/ poker 局恭候大駕~
SEPTEMBER 20, 2024
See y’all!
12:00 PM
快樂嘅時光過得好快!! 希望呢幾日可以帶到難忘嘅回憶比大家, 亦希望你地滿意我地嘅安排🏖️ 溫馨提示 - AYANA 酒店嘅退房時間係中午12點, 如果要去游水/ 做spa 記住把握時間喇~我地香港見❤️
THE
Details
❤️關於我地嘅婚禮
航班
你將到埗嘅機場係伍拉·賴國際機場 (DPS)
記住預早(9個月至一年前) 訂機票! 因為到時係中秋連假, 可能越遲買機票越貴~
註: 我地稍後會向大家收集航班資料 (到達日期/ 時間等), 方便屆時安排機場接送~ 而我地會喺你出發前通知你接送司機嘅聯絡電話。
住宿
Ayana Resort 內有四間酒店,歡迎透過我地預訂或者自行安排住宿~
- AYANA Villas
- AYANA Resort
- AYANA Segera
- RIMBA by Ayana
請到 我地嘅婚禮問卷 查看更多詳情~
下一步點做好?
目前最緊要嘅三件事:
1. 請在2023年10月31日前填妥 我們的婚禮問卷 ~ ❤️
2. 訂機票 記住盡早訂 , 因為臨近中秋假期, 越遲買可能會越貴, 所以最好預早9個月至一年訂!! ✈️
3. 如果你希望透過我地訂酒店房, 請在問卷中標示, 我地會個別同你確認房間。當然你亦可以自行安排住宿~
我應該著咩衫好?
我地嘅婚禮主要會係戶外, 所以衣著唔使太拘謹~
到左峇里, 你可以拋開香港對服裝要求嘅規限 – 最緊要係著舒適嘅衣著同鞋履~ 而我地都準備左啲sample 比你參考👗
*女士可以著輕晚裝或者連衣裙, 顏色方面可以盡量襯返以下color code, 咁就最峇里風啦~ 而鞋方面可以選擇著粗跟高踭鞋、涼鞋等 (因為斗零踭在草地行走可能唔方便), 再襯埋太陽眼鏡等飾物就完成峇里嘅造型喇😘
*而男士嘅衣著黎講, 可以發揮無限創意!無論係長袖/ 短袖襯衫、長褲短褲、有pattern或淨色都一律OK☺️而建議配色都係下面幾隻色🌈
🏖️ 峇里101
時區
GMT+8 (同香港一樣)
天氣
峇里九月嘅天氣
平均最低氣溫: 22°C平均最高氣溫: 31°C* 屬於乾季, 雨量較少
其他須知
🌊想喺酒店附近搵野玩/ chill 下?
THE
Venue
包你大飽口福
Ayana 酒店提供19間與眾不同的餐廳、酒吧和娛樂場所
岩石酒吧
搭乘Ayana的懸崖傾斜電梯向下,即可到達距離印度洋海平面14米高的岩石酒吧,享受無與倫比嘅景色。
DAVA蓮花餐廳
於早餐時段,DAVA 餐廳為別墅客人提供單點式早餐體驗、客人可於此欣賞熱帶花園及印度洋美景。 DAVA蓮花餐廳開放晚餐。日落海景為餐廳營造了別致的用餐氛圍,提供精選牛排和海鮮燒烤。並有豐富的酒類選擇。
KISIK 海鮮&燒烤
餐廳為您提供最佳的海濱用餐體驗,提基火把閃爍,伴有激動人心的海浪聲音,在沙灘餐桌上享用美食。
Damar Terrace餐廳
Damar餐廳依蓮花魚池而建,坐落於一片林蔭下。餐廳采取開放式設計,異國風情濃郁。這里氛圍輕松,是休憩並品嘗亞洲各式風味美食的不二之選。
UNIQUE屋頂餐廳酒吧
在RIMBA 酒店區俯瞰森林,遠眺海景的Unique屋頂餐廳酒吧,白天是現代感十足的泳池俱樂部,日落時分是時尚雞尾酒吧,提供令人垂涎欲滴的餐飲服務。
To'Ge 餐廳
在熱帶花園蔥郁繁茂的掩映之下隱蔽著To'ge 餐廳,周圍水池環繞,荷花盛開,荷葉翠綠,還有錦鯉在水中暢遊,這里是Ayana最富生機的全天式餐廳。
PADI 餐廳
PADI餐廳坐落在寧靜荷花池塘的環繞中,每天早晨為您提供豐富的國際自助早餐,獨立的食物台提供歐洲、美國、泰國、日本、中國和印尼的特色佳肴。
Sami Sami
Sami Sami位於海景懸崖邊緣的草坪上,露天設計,可於此欣賞令人驚嘆的印度洋遠景。餐廳專門提供意大利美食。建議提前預訂。
包你身心舒暢
Ayana 酒店擁有全峇里最大嘅spa以及多款獨家健康水療
海洋系列 - 岩石水療
在一個獨特的水療中漸入夢鄉,這個系列專門為岩石水療精心打造。設有兩棟坐落在巨大的岩石上的豪華水療別墅,被波光粼粼的印度洋海水三面環抱。
海水浴療法
Ayana Spa 提供純海水療法,即利用海水和海洋產品進行治療,以促進健康和美麗。
Nakatsuji療法
這項按摩療法由日本知名整形外科兼抗衰老專家中辻隆(Tadashi Nakatsuji)先生精心研發,是阿雅娜水療的獨家項目。中辻療法主張全身愈合理療。
身體護理
旨在休息、重塑平衡和煥采新生。身體皮膚清潔煥膚,泡浴軟膚和緊致體膜。結合三者的90分鐘水療體驗。
健康療養
受益度假村的豐富設施共享,Ayana 可提供綜合性健康療養,客人可充分享受度假村組建的健康網,配有巴厘島最好的理療師、健康從業者和健身教練。
包你樂而忘返
Ayana酒店亦為你帶來一流嘅設施, 包括 14 座遊泳池、2座健身房以及18 洞迷你高爾夫球場
高爾夫球場
專業設計的18洞球場僅有普通球場大小的十分之一,但是風景無限。這個標準桿64桿的球場長600米(656碼),非常適合與孩子或朋友一起度過輕松的下午。
兒童泳池
Ayana的兒童泳池坐落在阿雅娜兒童俱樂部旁的綠林之中,設有兩座嬉水滑梯,讓孩子們在此滑水嬉戲,樂此不疲。
網球場
Ayana 酒店設有兩個專業網球場及有蓋觀望台。在峇里陽光下,和朋友來一場友誼賽吧!酒店亦可按需要安排私人教授和陪練員。
猴子森林
Ayana 酒店亦有很多猴子聚居。如你對自然生態有興趣,可以到鄰近Kubu 海灘的Monkey Forest 近距離觀察猴群,看牠們進食或玩耍。
RIMBA兒童俱樂部
RIMBA兒童俱樂部需通過一間池畔小屋的“秘密”入口抵達,毗鄰下層泳池的水滑梯。室內配備空調,裝飾色彩豐富,擁有迷你電影院、配備PlayStation4的遊戲室、網絡電腦遊戲、玩具、拼圖及各種語言的圖書。
河池
如果您想在Ayana 酒店感受獨有的休閒體驗,歡迎來到位於Ayana 懸崖別墅區僻靜優美的雙層鵝卵石河池。
下層泳池
下層泳池位於Ayana主泳池正下方,坐在遮陽傘下的躺椅上欣賞泳池瀑布,還可以直接點些池畔輕食品嘗。
緩跑徑
無論您經常參加跑步及步行還是剛剛開始一項健身計劃,在我們蜿蜒穿過酒店景區的小徑上慢跑都是讓您熟悉周邊環境、找到自己路線的不錯選擇,欣賞蔥郁花園美景,享受空氣清新宜人,同時得到鍛煉,保持健康!
Kubu 沙灘
全峇里最美麗、最僻靜的白色沙灘便位於Ayana Resort內。乘坐電梯便可直達庫布海灘俱樂部,品嘗當地美味菜肴和清爽冰飲,欣賞壯觀海景。
如何前往
– 離酒店距離: 12公里
– 大約需時: 20-30 分鐘車程
所有透過我地安排住宿嘅客人, 會在 2024年9月18日check-in, 我地亦會為大家安排機場接送。
我地稍後會向大家收集航班資料 (到達日期/ 時間等), 方便屆時安排機場接送~ 而我地會喺你出發前通知你接送司機嘅聯絡電話。
THE
Q&A
峇里只有一個國際機場, 所以你到埗嘅機場將會係 伍拉·賴國際機場。而目前提供直航到峇里嘅航空公司包括香港航空同國泰航空~
我地稍後會向大家收集航班資料 (到達日期/ 時間等), 然後根據你到埗時間安排埋酒店接送去Ayana Resort。 唔使擔心人生路不熟要call 車啦!
取決於你當日計劃嘅行程:
- 的士會比較適合點對點出行, 你可以用call車APP, 例如Grab/ Gojek 叫車。不過盡量唔好係街上截的士喇, 以免有車費上嘅爭執。同埋如果你想用現金付款, 記住預先準備散紙, 因為峇里的士係出名唔夠錢找嘅 😅
- 包車司機如果你一日有多個行程/景點, 建議你包司機一日任玩! 我之前係 KLOOK 度租嘅~咁樣玩會平好多! 但記住租車收費係分區域嘅, 通常遠程北面啲嘅地區收費都會貴啲。
仲有另一個小貼士: 唔好諗住個司機一定識去你個目的地! 峇里啲路都幾複雜, 最好開定google map 就唔使驚行錯, 耽誤行程啦!
我地 唔太建議網上簽証 (EVOA)。因為根據我地嘅經驗, 落地簽証排隊到完成需時同網上簽証差唔多。而且, 網上簽証如果資料輸入不正確, 可能會比海關拒絕入境/ 收錢... 但如果你仍決定申請EVOA, 可以瀏覽以下網站 https://molina.imigrasi.go.id/
好問題! 唔同情況比嘅小費都唔同~
- 如果你 向租車司機付款 , 而你都滿意佢地嘅服務, 你可以比大概200k 印尼盾(~HKD 100)。而且普遍都要包佢地一餐嘅飯錢~
- 如果你 喺比較高級嘅餐廳/ Spa 埋單, 因為價錢已含服務費, 通常客人都唔需要比小貴。但如果你滿意佢地嘅服務, 都不妨將尾數round up齊頭1萬印尼盾(~HKD$5) 當小費。
九月係峇里嘅旱季, 降雨量較少。 日間活動有太陽曬會覺得熱, 最高平均30度 (所以無藉口唔去沙灘去游水⛱️) , 而晚上氣溫平均23度。所以除左要補充足夠水份以及著透氣舒適嘅衣物, 仲要記住帶返件薄褸, 唔好凍親啊!
我地嘅婚禮會係戶外草地舉行, 而晚飯會係附近嘅一個帳篷進行。
知你好頭痛著咩衫, 所以準備左個穿搭示例比你→ 點我。黎到峇里唔使咁拘謹, 衣著最緊要舒適同活動自如~ 下午證婚儀式記住搽防曬, 我地亦會準備遮同扇比你☀️ 同埋場地可能地面不平, 所以建議避免斗零踭呢類比較難行嘅鞋~
食完飯都差唔多晚上10-11點~
大家都應該會攰, 可以陸續搭小巴/ 高爾夫球車返酒店休息~
但未攰/ 未玩夠嘅你!! 我地會仲有after party!
酒水同poker就基本野啦 😏 但你有啲咩想玩/ 想做都可以隨時話我地知~
因為場地同預算所限, 我地只安排到少數屋企人同朋友參加😞
所以無辦法邀請你地嘅另一半, 希望你明白 🙇 但我地返香港隨時可以同大家補祝~~